Тарыхтын актай барактары. Роза Айтматова

Китепте Ата-Бейит мемориалдык комплексинин пайда болушу, 1930-жылдардын каардуу Сталиндик репрессиянын курмандыгы болгон Айтматовдор үй-бүлөсүнүн трагедиясын, замандын оордугун жана саясий адилетсиздигин чагылдырып, татаалдыктарга карабай асыл баалуулуктардын туусун колдон түшүрбөй бийик көтөрүп келген бул үй-бүлө тууралуу баяндалат. Буга чейин окурмандардын кызыгуусун жаратып, суралып келген бул китеп үчүнчү жолу басылып чыкты. Анын өзгөчөлүгү - Төрөкул Айтматовдун ишмердиги тууралуу архивдик материалдар, башка авторлордун китептерине жана эскерүүлөрү менен толукталып, кенен берилди.